Sot, në Muzeun Historik Kombëtar në bashkëpunim me Federatën Pan-Shqiptare “Vatra” e Amerikës u organizua ceremonia e dorëzimit të çmimeve të gazetës “Dielli” me rastin e 110-vjetorit të kësaj gazete.

Të pranishëm në këtë ceremoni ishte një panel i zgjedhur i përbërë nga Dr. Dorian Koçi, Drejtor i Muzeut Historik Kombëtar; Znj.Merita Bajraktari-McCormack, Vatrane Shqiptaro-Amerikane, Prof. Shaban Murati si edhe shume studiues e dashamirës.

Në fjalën e tij përshëndetëse Drejtori i Muzeut Historik Kombëtar, Dr.Dorian Koçi, u shpreh se: “Shoqëria “Vatra” përbën pa dyshim një nga historitë më të suksesshme të organizimit të shqiptarëve përgjatë shekullit të kaluar. E lindur dhe e organizuar si një kopje e shoqërive të tjera që shqiptarët patën krijuar në Rumani, Bullgari, Egjipt e Turqi, “Vatra” pati meritën që duke përqafuar mentalitetin dhe etikën e punës të vendit ku u krijua të shndërrohej në një përfaqësi dinjitoze të shqiptarëve në botë dhe të kontribuonte si askush tjetër në themelimin dhe fuqizimin e shtetit shqiptar”.

Gazeta Dielli, është organi më i vjetër mediatik në gjuhën shqipe në ekzistencë të pandërprerë mbushi 110 vjet. Faqet e gazetës që vazhdon të informojë komunitetin shqiptaro-amerikan kanë qenë një pasqyrë e furtunave historike nëpër të cilat ka kaluar kombi shqiptar, por edhe një forum për opinione e për debatin e hapur publik.

Përgjatë ceremonisë u dhanë dhe çmimet: Dr Ernestina Gjergj Halili, Reportazhi më i mirë, Megi Përmeti-Ese për stërgjyshin e saj Aqif Përmeti, Lindita Komani-Ese, Andon Nase Andoni-Libër monografi për editorët e “Diellit”, Roland Qafoku-Libër, Nikolin Kurti dhe Nikollë Loka-Libër, Entela Komnino-Libër.

57504869_2514688775260547_5780889099808276480_o 57251270_2514688685260556_7924748851972407296_o 57595630_2514688548593903_5945501138835996672_o 57608887_2514688368593921_3969384023066673152_o 57364798_2514688835260541_3424059447197040640_o 58380547_2514688285260596_5673986762515415040_o 58380707_2514689495260475_9001570605610303488_o 57277936_2514689428593815_4240901667857367040_o 57490397_2514689315260493_7133983765767913472_o

Leave a Comment

Adresa juaj email s’do të bëhet publike. Fushat e domosdoshme janë shënuar me një *

error: Content is protected !!