Shfaqet Filmi Dokumentar “Ullmar Qvick – ambasador i kulturës shqiptare në Suedi”

Sot, në Muzeun Historik Kombëtar në bashkëpunim me Ambasadën e Republikës së Kosovës në Tiranë, u shfaq Filmi Dokumentar “Ullmar Qvick – ambasador i kulturës shqiptare në Suedi” me regjisore: Fitore Rubovci.
Të pranishëm në këtë aktivitet ishin z.Sylë Ukshini, Ambasador i Republikës së Kosovës në Tiranë; Dr. Dorian Koçi, Drejtor i Muzeut Historik Kombëtar, Prof. Dr. Neritan Ceka, Prof. Dr. Pëllumb Xhufi, Prof. Zhani Ciko si dhe shume studiues e historianë.
Ky film dokumentar i dedikohet albanologut suedez Ullmar Qvick, njohës i madh i kulturës shqiptare, studiues i historisë dhe gjuhësisë shqipe si dhe përkthyes i shkëlqyer nga gjuha shqipe në suedeze dhe anasjelltas. Filmi dokumentar përmes një këndvështrimi post modern dhe euro perëndimor i shtjellon arritjet dhe problemet kryesore aktuale, në të gjitha trevat shqiptare.

Në përmbylljen e aktivitetit Dr. Dorian Koçi, Drejtor i Muzeut Historik Kombëtar, tha: “Falenderoj të gjithë pjesëmarrësit në këtë aktivitet që përkon dhe me ditën ndërkombëtare të librit, do të vazhdojmë aktivitetet dhe bashkëpunimet në sajë të kalendarit të përbashkët kulturor me Kosovën”.

58379592_2520581028004655_7903372125430349824_o 58583794_2520580888004669_1663917222923337728_o 58462308_2520580464671378_4687914815983714304_o 57485264_2520580348004723_643929723541389312_o57674206_2520581304671294_2486166395092467712_o 57663966_2520581198004638_4945255366435799040_o 58380457_2520580181338073_829994441312829440_o 58377334_2520580084671416_6118154494808162304_o 57502914_2520580008004757_7413202097941774336_o

 

Leave a Comment

Adresa juaj email s’do të bëhet publike. Fushat e domosdoshme janë shënuar me një *

error: Content is protected !!