“Diversiteti si Vlerë Evropiane”

Sot, Muzeu Historik Kombëtar në bashkëpunim me Institutin e Kulturës Rome në Shqipëri dhe me Ministrinë e Kulturës organizuan aktivitetin me titull “Diversiteti si Vlerë Evropiane”.
Ky aktivitet u mbajt me rastin e Ditës Ndërkombëtare të Diversitetit Kulturor dhe synon të sigurojë shikueshmëri për artistët e rinj romë në vend, si dhe të fillojë një dialog mbi promovimin e diversitetit kulturor nga institucionet e kulturës. Ky event ishte një mundësi për të njohur kontributin e artistëve të rinj romë në skenat artistike dhe kulturore shqiptare.
Të pranishëm në këtë aktivitet ishin:
Znj. Elva Margariti, Ministre e Kulturës, Dr. Dorian Koçi, Drejtor i Muzeut Historik Kombëtar, z. Bledar Taho, Instituti i Kulturës Rome në Shqipëri, znj. Majlinda Ziu, NënDrejtoreshë e gjimnazit “Sami Frashëri”, si edhe nxënës dhe përfaqësues nga gjimnazi “Ismail Qemali”.
Znj. Elva Margariti, Ministre e Kulturës, në fjalën përshëndetëse të saj theksoi se:
“Në gjithë botën sot, ata që spikasin dhe ata që ngjiten lart nuk janë njerëzit që janë gjithmonë njësoj si të tjerët, por ata që kanë brenda tyre një shtysë të madhe që i bën ata unikal dhe të veçantë. Do doja që secili prej jush të shikonte me diversitetin e tij tek vetvetja një forcë të madhe shtytëse për ti bërë ëndrrat realitet, të shtyrë gjithnjë nga diversiteti i tyre. Ju ftoj ta festojmë këtë ditë dhe ta përcjellim mesazhin e sotëm sa më tepër në të përditshmen tonë”.
Më pas u vizitua ekspozita me piktura, fotografi dhe u dhanë performanca të ndryshme muzikore nga të rinjtë e shkollave të mesme dhe artistike. Gjithashtu, nxënësit e gjimnazeve kishin përgatitur edhe video mesazhe të shkurtra për promovimin e diversitetit Kulturor.

60831928_2573945932668164_8644091836090023936_o 60942498_2573945036001587_4895672588933529600_o 60590192_2573944739334950_3362650816547651584_o 60731339_2573944489334975_5501658857690103808_o 60805633_2573944272668330_7892462779649490944_o 60773323_2573943886001702_7139675142895960064_o 60924795_2573947386001352_6814305836643385344_o60346669_2573947276001363_8111307838875238400_n 60880761_2573947156001375_48090340791418880_o 60640920_2573947082668049_5925196036699062272_o 60940732_2573946966001394_6857287197872095232_n60849831_2573946656001425_8297661410377203712_o 61123180_2573946466001444_3214659441961992192_o 60659774_2573946386001452_5831610120953397248_o60547134_2573946159334808_8239411010914484224_o 60590030_2573946302668127_85769981505044480_o

Leave a Comment

Adresa juaj email s’do të bëhet publike. Fushat e domosdoshme janë shënuar me një *

error: Content is protected !!