Trashëgimia natyrore dhe kulturore e Shqipërisë

Sot, qendra DMO ALBANIA organizoi, në bashkëpunim me Ministrinë e Kulturës, Bashkinë e Tiranës dhe Muzeun Historik Kombëtar ekspozitën fotografike: “Trashëgimia natyrore dhe kulturore e Shqipërisë.”

Ky projekt i DMO ALBANIA synon të promovojë Shqipërinë, dhe të edukojë rininë me artin e bukur të fotografisë. Në këtë mbrëmje u shfaqën rreth 100 foto të përzgjedhura të konkursit fotografik të hapur për 3 muaj rresht (maj-qershor 2019).

Ky aktivitet përvec faktit që ndihmon në promovimin e vendit tonë, gjithashtu inkurajon dhe motivon të rinjtë që ta duan vendin e tyre dhe mbi të gjitha, ta promovojnë atë. Ndër vite ky ka qenë dhe është edhe qëllimi kryesor i Muzeut Historik Kombëtar të promovojë vlerat historike dhe kulturore të Shqipërisë.

Ky është edicioni i dytë dhe do të jetë i pranishëm për vizitorin deri në datën 15 tetor.

Organizatorja e këtij aktiviteti, znj. Eva Kushova mbajti fjalën e hapjes duke thënë se: risia e këtij festivali është që çdo person mund të jetë pjesëmarrës. Grupi i fotografëve përzgjodhi me kujdes këto 100 fotografi që po ekspozohen sot. Falenderoj përzemërsisht Bashkinë e Tiranës, Ministrinë e Kulturës dhe Muzeun Historik Kombëtar për mbështetjen e tyre.

Andi Seferi, nënkryetari i Bashkisë së Tiranës, përshëndeti hapjen e këtij festivali fotografik. Jam i gëzuar, tha ai, për këtë pjesëmarrje masive dhe për rritjen e cilësisë së fotove gjatë këtyre dy sezoneve. Kjo bën të mundur promovimin e Tiranës dhe Shqipërisë në mënyrë akoma më dinjitoze dhe profesionale.

Dr. Dorian Koçi, drejtor i Muzeut Historik Kombëtar, tha që eshte kënaqësi e veçantë që për herë të dytë mbahet ky aktivitet në ambientet e Muzeut Historik Kombëtar. Të fotografosh domethënë të ngrish një moment, një çast në këtë realitet ku ne jetojmë. Ju uroj suksese të mëtejshme më këtë rrugëtim promovues dhe artistik.

72218375_2864829160246505_1348113663537446912_o 71893183_2864829056913182_6437190102983639040_o 72734213_2864828966913191_4750261819677868032_o 71701577_2864828886913199_904352759136911360_o71543734_2864796863583068_2169615142029885440_o 71645180_2864796753583079_6553314254752055296_o 71765479_2864796653583089_7891134938970324992_o 71709941_2864829770246444_9148560797549461504_o71835685_2864829670246454_1977331960153899008_o 71722425_2864829556913132_3081491919365210112_o 72338572_2864829450246476_1217455883605245952_o

Leave a Comment

Adresa juaj email s’do të bëhet publike. Fushat e domosdoshme janë shënuar me një *

error: Content is protected !!