Në ambientet e Muzeut Historik Kombëtar u mbajt aktiviteti kushtuar 65-vjetorit të lindjes së shkrimtarit dhe poetit Petrit Ruka.

Në këtë aktivitet, ku morrën pjesë shkrimtarë dhe artistë të ndryshëm e dashamirës te librit, u promovua dhe libri i fundit i autorit me titull ‘’Frika që ndjell fjala’’. Ky libër poetik vjen 15 vite pas botimit të librit të tij të fundit ‘’Në zemër bie shi’’ në vitin 2003. Në këtë vëllim me poezi autori ka sjellë një pjesë të krijimtarisë së tij më të zgjedhur ndër vite, poezi të zgjedhura prej librave të tij të mëparshëm, si dhe dëshminë e rreth katër dekadash krijimtari në fushën e poezisë.

Në fjalën e tij në këtë aktivitet Drejtori i Muzeut Historik Kombëtar, Dr. Dorian Koçi, pasi falenderoi të pranishmit në emër të institucionit, u ndal në kontributin e veçantë të autorit në rrafshin e krijimit artistiko-letrar dhe në kontributin e tij të çmuar në zhvillimin e poezisë shqiptare. Ai shprehu kënaqësinë që ky botim vjen dhe përkon edhe me muajin e leximit ‘’Tetori i librit’’ si program artistiko-kulturor i shpallur nga Ministria e Kulturës.

72817100_2892688637460557_3058143167179128832_o 73513687_2892688214127266_8537944463853486080_o 72950626_2892688054127282_1782679180396199936_o 72816024_2892689034127184_8552044300320374784_o

Leave a Comment

Adresa juaj email s’do të bëhet publike. Fushat e domosdoshme janë shënuar me një *

error: Content is protected !!