Në kuadër të 75-vjetorit të Çlirimit të Atdheut, gjimnazi “Sami Frashëri”, nën kujdesin e Muzeut Historik Kombëtar organizoi aktivitetin me titull “Shqipëria gjatë Luftës së Dytë Botërore dhe Çlirimi i Tiranës”.

Nxënësit e gjimnazit “Sami Frashëri” folën mbi ngjarjet që kanë ndodhur në Shqipëri gjatë Luftës II Botërore, të studiuara nga historiani Bernd Fisher, të sjella me fakte reale dhe konkrete. Gjimnazistët u ndalën në momentet kyçe të pushtimit fashist, zbarkimin e trupave fashiste në territorin e Shqipërisë, aleancat, ngritjen dhe vendosjen e institucioneve fashiste si dhe kapitullimin e vetë fashizmit. Ata vijuan me vendosjen e nazizmit, pasojat, agresioni, dhuna, pa harruar qëndresën e fortë për mbrojtjen e qytetit të Tiranës, të shkëputura këto me foto dhe pamje të vërteta gjatë periudhës së luftës. Aktiviteti u mbyll me një ekspozitë me punime të krijuara nga nxënësit e gjimnazit “Sami Frashëri”, ku prezantohej Lufta Antifashiste Nacionalçlirimtare e parë nga këndvështrimi i vetë nxënësve, si: piktura me partizanë, momente të Shqipërisë gjatë LANÇ-it, elemente të mbrojtjes dhe qëndresës së shqiptarëve ndaj këtyre pushtimeve nëpërmjet batalioneve etj.

Drejtoresha e gjimnazit, znj. Teuta Dobi, falenderoi dhe vlerësoi nxënësit referues për punën dhe përkushtimin e tyre në studimin e periudhës së Luftës së Dytë Botërore.

Znj. Sonjela Babaliu, specialiste pranë Muzeut Historik Kombëtar, falenderoi pjesëmarrësit në emër të drejtorit të Muzeut Historik Kombëtar, Dr. Dorian Koçi. Midis të tjerash, theksoi urën e bashkëpunimit midis dy institucioneve, duke falenderuar nxënësit për larminë e materialeve dhe për punën e tyre serioze.

75464202_2957920274270726_7270545068442779648_o 75486101_2957920137604073_2090407763178946560_o 74610651_2957920007604086_3391353954137800704_o 75354968_2957919860937434_7636541123183247360_o75271426_2957919714270782_2810362118711279616_o 70826195_2957919607604126_3555779754793631744_o 74573898_2957919497604137_5567955332921032704_o 75289353_2957919387604148_2081038425166708736_o71334374_2957919284270825_3194644615189757952_o 75486103_2957920607604026_2325179707894530048_o 75210655_2957920440937376_2765690967024467968_o

Leave a Comment

Adresa juaj email s’do të bëhet publike. Fushat e domosdoshme janë shënuar me një *

error: Content is protected !!