Mbahet konferenca shkencore me rastin e 75-vjetorit të vdekjes së Miss Mary Edith Durham

Pas hapjes së ekspozitës “Miss Mary Edith Durham”, me rastin e 75-vjetorit të vdekjes së “Mbretëreshës së Maleve” Mary Edith Durham (1863-1944), me fotografi dhe skica të realizuara nga Edith Durhami gjatë udhëtimeve nëpër viset shqiptare, u zhvillua konferenca shkencore me pjesëmarrjen e studiuesve të fushave të ndryshme, të cilët me kumtesat e tyre sollën prurje të reja në lidhje me mbresat e udhëtimeve të Edith Durhamit në trojet shqiptare.

Konferencën “Miss Mary Edith Durham” e hapën Drejtori i Muzeut Historik Kombëtar, Dr. Dorian Koçi, dhe Zv.Ambasadori i OSBE-së në Shqipëri, z. Robert Wilton.

Në fjalën e tij përshëndetëse Drejtori i Muzeut Historik Kombëtar, Dr. Dorian Koçi, u shpreh se: “Konferenca i bashkangjitet ekspozitës “Miss Mary Edith Durham” me rastin e 75-vjetorit të vdekjes. Kjo konferencë synon të sjellë në memorien tonë kontributin e çmuar të Mary Edith Durham për Shqipërinë dhe shqiptarët”.

Në fjalën e tij përshëndetëse Zv.Ambasadori i OSBE-së në Shqipëri, z. Robert Wilton, u shpreh: “Përshëndetje të gjithëve, është kënaqësi të jem këtu së bashku me ju në këtë konferencë shkencore, për një emër shumë të nderuar dhe të dashur në Shqipëri, siç është Mary Edith Durham. Gëzohem çdo herë që jam pjesë e konferencave të tilla me karakter serioz profesional dhe historik, ju falenderoj për nderin dhe ftesën që jam pjesë në këtë konferencë”.

Në këtë konferencë u trajtuan tema të ndryshme dhe referuan:
➡️ Shkrimtarja Elizabeth Gowing me temë “Papuçet që kanë ecur jashtë: artefakte të mbledhura nga Edith Durham në muzetë e Anglisë”,
➡️ Dr. Tatjana Haxhimihali me temë “Miss Mary Edith Durham në korrespondencën e saj me Mr. Joseph Swire (1928-1929/31)”,
➡️ Dr. Shpend Bengu me temë “Komunikimi pamor ndër shqiptarët, në dëshmitë e Miss Mary Edith Durham”,
➡️ Dr. Dorian Koçi me temë “Antropologji dhe udhëtime: Shqipëria e Edith Durhamit”,
➡️ Zv.Ambasadori i OSBE-së në Shqipëri, z.Robert Wilton me temë “Edith Durham dhe qëndrimet Britanike ndaj Shqipërisë”,
➡️ Prof.Ass.Dr.Frederik Stamati me temë “Dy çentro nga Edith Durham”,
➡️ Prof.Ass.Dr.Bernard Zotaj me temë “Edith Durham për luftëtarët shqiptarë”,
➡️ Z. Andrea Llukani me temë “Kristianizmi dhe uniatizmi i shpatarakëve, sipas Edith Durhamit”,
➡️ Studiuesi Mehmet Gëzhilli me temë “Një vështrim bibliografik mbi jetën dhe veprën e Edith Durhamit”,
➡️ Studiuesi Kastriot Frashëri me temë “Bibliografi për Edith Durhamin”.

77165945_2969135623149191_1865234529204043776_o78131489_2969678599761560_8628863462606372864_o 74979495_2969678859761534_4898794480401907712_o 75282406_2969678979761522_2799256754917998592_o 75371520_2969679089761511_4695015341816807424_o 70477450_2969679229761497_2078867903314132992_o 75472918_2969679353094818_3772075596310380544_o 74271345_2969679906428096_7187426778271449088_n 69795538_2969677316428355_3201065917714792448_o 76201907_2969677686428318_8145634458750418944_o 75627520_2969677786428308_4491719275383357440_o 74443692_2969677973094956_4058016995411492864_o 78636708_2969678096428277_993062327928487936_o 73482859_2969678203094933_8062977843203670016_o 75521632_2969678309761589_2334634352547201024_o 76941643_2969678453094908_3172151609467600896_o78284022_2969135469815873_6058241427605815296_o

Leave a Comment

Adresa juaj email s’do të bëhet publike. Fushat e domosdoshme janë shënuar me një *

error: Content is protected !!