Shkëmbehen botimet midis Muzeut Historik Kombëtar dhe Akademisë së Studimeve Albanologjike

U zhvillua sot, në ambientet e Muzeut Historik Kombëtar, ceremonia e shkëmbimit të botimeve në logon e Muzeut Historik Kombëtar dhe Akademisë së Studimeve Albanologjike. Kjo gjë u arrit falë nënshkrimit të Memorandumit të Mirëkuptimit midis dy institucioneve. Neni 2 i këtij memorandumi përfshin pikërisht shkëmbimin e botimeve ndërmjet Muzeut Historik Kombëtar dhe Akademisë së Studimeve Albanologjike ku, Muzeu Historik Kombëtar do të ofrojë serinë e revistës Studime Muzeologjike, si dhe botime te tjera, ndërsa Akademia e Studimeve Albanologjike do të ofrojë botimet e saj.

Në fjalën e tij përshëndetëse Drejtori i Muzeut Historik Kombëtar, Dr. Dorian Koçi, u shpreh se: “Është kënaqësi e veçantë që nëpërmjet këtij bashkëpunimi që kemi nënshkruar të jetë hapi i parë i një bashkëpunimi të ngushtë, 300 librat e marra do pasurojnë biblotekën tonë çka do na japi mundësinë që biblioteka e Muzeut Historik Kombëtar të kthehet në një bibliotekë për studentët e historisë dhe filologjisë”.

Drejtori i Akademisë së Studimeve Albanologjike, Akademik Prof. Dr. Marenglen Verli, u shpreh se: “Kjo marrëveshje do na çojë në bashkëpunime të tjera akoma më të mëdha, duke i ofruar njëri-tjetrit atë çfarë disponojmë, shkëmbimin e ambienteve dhe kapaciteteve në funksion të organizimeve dhe aktiviteteve të ndryshme, gjithashtu gjej rastin të falenderoj dhe drejtorin për nismën dhe vizionin që do ti japi Muzeut Historik Kombëtar”.

72324143_2868491656546922_1779976984542052352_o 71917944_2868491579880263_3905868045238665216_o 71767137_2868491463213608_16721394310053888_o

Leave a Comment

Adresa juaj email s’do të bëhet publike. Fushat e domosdoshme janë shënuar me një *

error: Content is protected !!