Pas vizitës së drejtorit të Muzeut Historik Kombëtar, Dr. Dorian Koçi, në Muzeun e Sigismundit Castromediano, ku tema e takimit ishte “Puglia dhe Shqipëria për një rrjet Adriatik të Muzeve Historike” dhe ku u realizua marrëveshja ndërmjet Muzeut Historik Kombëtar, Museo Civico di Bari dhe Polo Bibliomuseale të Rajonit të Pulias nën kujdesin e Fondacionit Gramsci në Pulia, me qëllim që të fillohet promovimi i përbashkët i njohurive të iniciativave historike nëpërmjet përgatitjes së ekspozitave dhe promovimin e projekteve kërkimore, si dhe pas suksesit të hapjes së ekspozitës “Scanderbeg. Un eroe albanese in Puglia” në ambientet e Muzeut Castromediano në Leçe, Drejtori i Muzeut Historik Kombëtar, Dr. Dorian Koçi, priti në një vizitë zyrtare z.Luigi De Luca, Koordinator i Polo Bibliomuseale të Rajonit të Pulias, znj. Anna Lucia, Përgjegjëse e Sektorit të Arkeologjisë në Muzeun Castromediano në Leçe, z.Natale Parisi, përfaqësues i Fondacionit Gramshi në Pulia dhe z.Salvatore Tramacere, drejtor i Teatro Koreja në Lecce, për të folur për projektet e ardhshme mes këtyre institucioneve.
Drejtori Koçi shprehu gadishmërinë e tij në thellimin urave të bashkëpunimit kulturor nëpërmjet promovimit të përbashkët të njohurive të iniciativave historike nëpërmjet përgatitjes së ekspozitave, konferencave dhe promovimin e projekteve kërkimore mes dy vendeve.
